الجبال المشمخرة....للشاعر صياد الخياري
اعصير وبين جال وبين حره
وقفت ودمعتي سبت وقوفي
ناظرت ايمين ويسار أتشره
علامك يا زمنا ما تروفي
ورقيت الجال والطاروق اجره
يجيلي طوع ويصدر عيوفي
وعلى روس الجبال المشمخره
اشوف اسرار واصفق كفوفي
أثاراً للمنازل دون جره
يا قوم وسوم يا حكم الظروفي
أبو زيد الهلالي ذا مقره
منازلهم حجر يا عين شوفي
دلايل من تبعها ما تغره
ونقشٍ بالحجر عبري وكوفي
عصوراً جربت حلوه ومره
على ديرانهم رسم وحروفي
وطاها الوقت في برده وحره
وغير شي واشيا ما تطوفي
ونشدت الدار من يذكر نمره
يعلمنا ويطفي نار جوفي
وقالت لا ظهر نجم المجره
ترى الأخبار عنده يا ضيوفي
علاقتنا طويله مستمرة
يواسيني بليلٍ ما يروفي
جوابٍ ضيق الخافق وحره
حدرني من جبالٍ كالقنوفي
رجعت الماقفي والصوت أجرّه
علامك يا زمنا ما تروفي
الشاعر/ صياد عيد الخياري
ليست هناك تعليقات:
إرسال تعليق